Kabhii youn bhii aa merii aankh mein k merii nazar ko Khabar na ho

kabhii youn bhii aa merii aankh mein k merii nazar ko Khabar na ho

mujhe ek raat navaaz day magar usk baad sahar na ho

Wo baraa rahiim-o-kariim hai mujhe ye sifat bhii ataa karay

tujhy bhuulnay kii duaa karun to dua mein merii asar na ho

Mere baazu’on mein thakii thakii , abhii mehv-e-Khwaab hai chaandanii

Na uthay sitaaron kii paal’ki, abhii aahaton kaa guzar na ho

Ye ghazal k jaisay hiran kii aankhon mein pichh’lii raat kii chaandanii

Na bujhay Kharaabi kii roshanii, kabhii becharaaGi ye  ghar na ho

Wo firaaq ho yaa visaal ho, terii yaad mehkay gii ek din

Wo gulaab ban k khilegaa kyaa, jo chiraagh ban ke jalaa na ho

Kabhii dhoop dy, kabhii bad’liyaan, dil-o-jaan se donon qabul hain

magar us nagar mein na qaid kar jahaan zindagii kii hawaa na ho

Kabhii din kii dhoop mein jhoom k kabhii shab k phool ko choom k

Younhii saath saath chalein sadaa kabhii Khatm apnaa safar na ho

Mere paas mere habiib aa zaraa or dil k qariib aa

Tujhe dharakanon mein basaa loun main k bichharnay kaa kabhii Dar na ho